రైతు బతుకు

రైతు బతుకు బాటలో
మెతుకు వెతుకులాటలో
కష్టాలే పెట్టుబడి
కన్నీళ్ళే దిగుబడి

రుతుపవనాలు వచ్చాయి
కాలవలో నీళ్ళు
రైతు గుండెలో పరవళ్ళు


అల్ప పీడనం
వాయుగుండం
చేలలోనూ
రైతు కళ్ళలోనూ
నీళ్ళే నీళ్ళు

గురు మహా శివరాత్రి

విద్య నేర్పు ఒజ్జలెల్ల మహాదేవులే
అక్షరాల భిక్షనొసగు ఆదిభిక్షులే
అజ్ఞానం అంతు తేల్చు మహారుద్రులే
అరమరికలు లేనియట్టి భోళాశంకరులే

ఎందరో గురు మహాశివులు ...
అందరికీ శివరాత్రి శుభాకాంక్షలు

చిట్టి రాతలు

పుస్తకం నిండా 
జ్ఞాపకాల మేఘాలే
పుస్తకం మూసేస్తే
కళ్ళ నిండా వర్షాలే

రాముడు రావణుడు
ఎవరు అయినా ఒకటే
సీత కళ్ళల్లో కన్నీరే

ఆల్మట్టికి
రెండు వైపులా నీరే
ఓ వైపు కన్నీరు
మరో వైపు పన్నీరు

కాలుతోంది
తెలుగు పూల తోట
తమిళ కర్నాట
కన్నుల పంటగా